கொப்பளிக்கும் குருதி!

அக்கினியால் சுட்டாலும்...
அகண்ட வாய் கொண்டென்னை ஏசினாலும்...
குருதி வழிய குடைந்து தீர்த்தலும்!
மனமறுத்து மயங்க மாட்டேன்!
மதி இழந்து வருந்த மாட்டேன்!
மாறாய் சினம் அடக்கி வரம் செய்வேன்!- சாகமாட்டேன்!

பொய்த்திரை பூண்டு..
புகழ் எய்தும் புத்தி - கொடுக்கவில்லை என் தாயும்!
அன்பை அறுத்து ...
பண்பை வளர்க்கும் பாடம் - படிக்கவில்லை நானும்!

சூழ்ச்சிகளில் சிக்கி சூட்சுமங்கள் கற்று..
சுயம்புவாய் சுடர்கின்றேன்!

சூழ்நிலைகள் என்னை சூனியமாக்கலாம்!
சுற்றங்கள் என்மீது குற்றங்கள் சுமத்தலாம்!
கணுக்கால் நரம்பறுத்து என் கனவுகளைக் கட்டலாம்!
கவலை இல்லை!

என் ஆத்மம் ஒன்றே!
அப்புழுக்கற்ற அன்பு!
அறிந்தவர்களுக்கும்-அறைந்தவர்கர்களுக்கும்!
சம அளவு அன்பே!

வாழ்க்கை!
புரியாமல்-தெரியாமல் இருந்து விட்டால் சுகம்!
புரிந்தும் -தெரிந்தும் இருந்து விட்டால்....
நீ பிழையே!

(அன்பே சிவமும்! அன்பே சக்தியும்!
அன்பே ஹரியும்! அன்பே பிரம்மமும்!
அன்பே தெய்வமும்! அன்பே மனிதரும்!
அன்பே சத்தியம்! அன்பே நிதியம்!
அன்பே சந்தம் ! அன்பே ஆனந்தம்!
அன்பே மௌனம் ! அன்பே மோட்சம்!
அன்பே நீயும்! அன்பே நானும்!
ஆக்கம் - கந்த குரு கவசம்)

அன்புடன்

கோ கோ

Comments

Post a Comment

Popular posts from this blog

அவளும் நானும்!

அடடா... எத்துணை அழகு! அவளுக்கு கூட கிடையாது.. இதனை மச்சங்கள்! கருப்பு உடலில்.. வெள்ளை வெள்ளையாய்! கொள்ளை கொள்ளையாய்! அது என்ன ? ஒன்றுமட்டும்.. ஒரு விதமாய்- பதமாய்.. ஒவ்வொருநாளும் உருமாறுகிறதே! முக்கால் வளர்ந்த பாகத்தை நாளை.. நன் முழுதாய் காணலாமா? காலமே பதில் சொல்லையா! சூரியனே! சீக்கிரம் வடக்கு நோக்கி விரைந்து போ! அடக்கமாய் உறங்கும் கருப்பையை இங்கு கடத்தி வா! வட்டழகுக் கன்னி.. இன்று எனக்குத்தான்! வந்துவிட்டாயா! மாமனைக்கான.. மஞ்சள் புசிக்குளித்து.. மங்கலமாய் வந்தாயோ? கருப்பு வண்ண சேலையை.. அங்கமெல்லாம் சுற்றியும்... உன் அழகெல்லாம் அப்படியே தெரியும்.. மாயமென்ன? கன்னம் சிவக்கதே.. இங்கு எவரும் விழித்திருக்கவில்லை! விடியும் வரை.. விருந்துண்ண இருப்பது.. என் விழிகள் மட்டுமே! முகிலிழுத்து.. முலைகள் மூடாதே.. மாமன் உடனிருக்க.. எதுவும் நினையாதே! தொட்டுவிடத்தான்.. நெடுங்கலாம் முயற்சிக்கிறேன்.. தொடபாடில்லை! உன்னை கட்டியணைக்கத்தான்.. காற்றிலே பறக்கிறேன்... அடைந்தபாடில்லை! நெருங்க நெருங்க.. விலகிச்செல்கிறாய்! நெஞ்சம்.. நொறுங்க நொறுங்க..
Read more

தனிமை ஒரு வரம்!

Image
இது உரங்களின் உறைவிடம்!!!!!! உணர்வுகளை...... ஒருங்கிணைத்து ஒழுங்குபடுத்த உகந்த தருணம்..... அடங்காது திரியும்  நம்  மடங்காத மனதை  மயக்கும் மந்திரம்!!!!!! உன்னை உனக்கே ஒளித்திரை இட்டு உன் விழித்திரை திறக்கும் விலாசப்படிகம்!!!!!!! இயல்பை மீறிய  ஏகாந்தம் அடைய  இதுவே முதல் பாடம்!!!!!!!  உறவுகள் மாயை என  இதன்  இரவுகள் உணர்த்தும்!!!!! மாற்றம் நிகழ இதுவே மருந்து....  நீ ஏற்றம் அடைய  உடனே இதை அணுகு!!!!! சிறகுகளை விரிப்ப்போம் !!!! சரித்திரம் படைப்போம்!!!!                                                                                                                                                                                                                                                                                   கோ கோ
Read more

இருப்பின் கனம்!

வழி தொலைந்த பாலைவனத்தில்.. நா வற்ற.. நாளம் வற்ற.. முற்றும் போகும் ஒற்றை நொடி முன் கண்ணில் படும் கானல் குளம்.. உயிர்- இருப்பின் கனம்! உள்ளம் கலந்தவள்.. உயிரைக் கடந்தவள்.. கவிஞன் அவனென்று காதலும் துறந்தவள்.. கண்டவன் கைகோர்த்து குண்டமும் எரிக்கையில்... வெந்திடும் விறகோடு அவன் விரகமுமே! காதல் - இருப்பின் கனம் ! சிறுவயதில்.. இடுப்பை விட்டு இறங்காத மகன்.. பெருவயதில்.. இடுப்பை உடைத்து மூலையில் வீச.. விம்மிய தாயின் வழிந்த கண்ணில்... கருணை- இருப்பின் கனம்! கோ கோ
Read more