வெட்டியான் விதி!


                                                                                                       
நட்ட நடு  சாலையில் நசுங்கிக் கிடந்து…..
பட்ட வினையால்…
புழுவேறிய மட்டப்பிணங்களயும்....
தொட்டு
மரியாதையுடன் தூக்கி
துணிவாய் தகனம் செய்பவன்!
இன்று…..
உச்சி வெளுத்து
உடம்பிளைத்து
ஊருக்கு வெளியே...
ஓசைஇன்றி…..
அவனுக்காய்…..
ஓலமிட ஆளில்லை
மாரடித்து கண்ணீர் சிந்த மங்கை இல்லை ...
பாடைகட்டி…
பறை தட்டி…
 மேடை ஏற்ற மானிடரே இல்லை…
குருதிக்கு தீ மூட்டி….
இறுதிக்கு வழிகாட்ட ஈசனும் இல்லை….
 
நல்லடக்கம் செய்தவன்
நல்லவனே ஆயுனும்…..
நாறித்தான் போகிறான்…
புழு வுண்ட மனித மனங்களால்!!!!!

Comments

Post a Comment

Popular posts from this blog

அவளும் நானும்!

அடடா... எத்துணை அழகு! அவளுக்கு கூட கிடையாது.. இதனை மச்சங்கள்! கருப்பு உடலில்.. வெள்ளை வெள்ளையாய்! கொள்ளை கொள்ளையாய்! அது என்ன ? ஒன்றுமட்டும்.. ஒரு விதமாய்- பதமாய்.. ஒவ்வொருநாளும் உருமாறுகிறதே! முக்கால் வளர்ந்த பாகத்தை நாளை.. நன் முழுதாய் காணலாமா? காலமே பதில் சொல்லையா! சூரியனே! சீக்கிரம் வடக்கு நோக்கி விரைந்து போ! அடக்கமாய் உறங்கும் கருப்பையை இங்கு கடத்தி வா! வட்டழகுக் கன்னி.. இன்று எனக்குத்தான்! வந்துவிட்டாயா! மாமனைக்கான.. மஞ்சள் புசிக்குளித்து.. மங்கலமாய் வந்தாயோ? கருப்பு வண்ண சேலையை.. அங்கமெல்லாம் சுற்றியும்... உன் அழகெல்லாம் அப்படியே தெரியும்.. மாயமென்ன? கன்னம் சிவக்கதே.. இங்கு எவரும் விழித்திருக்கவில்லை! விடியும் வரை.. விருந்துண்ண இருப்பது.. என் விழிகள் மட்டுமே! முகிலிழுத்து.. முலைகள் மூடாதே.. மாமன் உடனிருக்க.. எதுவும் நினையாதே! தொட்டுவிடத்தான்.. நெடுங்கலாம் முயற்சிக்கிறேன்.. தொடபாடில்லை! உன்னை கட்டியணைக்கத்தான்.. காற்றிலே பறக்கிறேன்... அடைந்தபாடில்லை! நெருங்க நெருங்க.. விலகிச்செல்கிறாய்! நெஞ்சம்.. நொறுங்க நொறுங்க..
Read more

தனிமை ஒரு வரம்!

Image
இது உரங்களின் உறைவிடம்!!!!!! உணர்வுகளை...... ஒருங்கிணைத்து ஒழுங்குபடுத்த உகந்த தருணம்..... அடங்காது திரியும்  நம்  மடங்காத மனதை  மயக்கும் மந்திரம்!!!!!! உன்னை உனக்கே ஒளித்திரை இட்டு உன் விழித்திரை திறக்கும் விலாசப்படிகம்!!!!!!! இயல்பை மீறிய  ஏகாந்தம் அடைய  இதுவே முதல் பாடம்!!!!!!!  உறவுகள் மாயை என  இதன்  இரவுகள் உணர்த்தும்!!!!! மாற்றம் நிகழ இதுவே மருந்து....  நீ ஏற்றம் அடைய  உடனே இதை அணுகு!!!!! சிறகுகளை விரிப்ப்போம் !!!! சரித்திரம் படைப்போம்!!!!                                                                                                                                                                                                                                                                                   கோ கோ
Read more

இருப்பின் கனம்!

வழி தொலைந்த பாலைவனத்தில்.. நா வற்ற.. நாளம் வற்ற.. முற்றும் போகும் ஒற்றை நொடி முன் கண்ணில் படும் கானல் குளம்.. உயிர்- இருப்பின் கனம்! உள்ளம் கலந்தவள்.. உயிரைக் கடந்தவள்.. கவிஞன் அவனென்று காதலும் துறந்தவள்.. கண்டவன் கைகோர்த்து குண்டமும் எரிக்கையில்... வெந்திடும் விறகோடு அவன் விரகமுமே! காதல் - இருப்பின் கனம் ! சிறுவயதில்.. இடுப்பை விட்டு இறங்காத மகன்.. பெருவயதில்.. இடுப்பை உடைத்து மூலையில் வீச.. விம்மிய தாயின் வழிந்த கண்ணில்... கருணை- இருப்பின் கனம்! கோ கோ
Read more